Աշխարհի ու Եվրոպայի ամենագեղեցիկ քաղաներից է Չեխայի մայրաքաղաք՝ Պրահան:

  Քաղաքն իր ճարտարապետության, ինչպես նաև ծառայությունների որակի և մատչելիության շնորհիվ տարեցտարի ավելի ու ավելի շատ զբոսաշրջիկներ է հյուրընկալում (ըստ տվյալների Լոնդոնից և Հռոմից հետո 6-րդ քաղաքն է Եվրոպայում զբոսաշրջիկների քանակով ավելի քան 5,4 մլն. 2012թ.):

  Պրահայում, ամեն շենք ու շինություն հանդիսանում է ճարտարապետական գլուխգործոց, դրանց թվում են՝ Prague Castle, Saint Nicholas Church, St. George's Basilica, Prague astronomical clock, Church Týn ինչպես նաև քաղաքը երկու մասերի բաժանող Վլտավա գետի վրա կառուցված 18 քարե և պողպատե կամուրջները, որոնցից առավել հայտնին ու  գեղեցիկը՝ Կառլ արքայի կամուրջն է: Եվրոպական գոթական ճարտարապետության գլուխգործոցն  է  St. Vitus Cathedral տաճարը, որի շինարարությունը տևել է մոտ 600 տարի: Քաղաքը հարուստ է բազմաթիվ գեղեցիկ շատրվաններով: Պրահայի կենտրոնական պատմական մասն 1993 թ. ընդգրկվել է ՅՈՒՆԵՍԿՕ-ի համաշխարհային ժառանգության վայրերի ցանկում:

  Պրահան աչքի է ընկնում մշակությաին կյանքով, այստեղ անցկացվում են տարբեր մշակութային միջոցառումներ՝ կինո, երաժշտական, ջազ, թատերական, նորաձևության և այլ մշակութային փառատոններ: Պրահայից ընդամենը 120 կմ հեռավորության վրա է գտնվում Կառլովի Վարի առողջարանային քաղաքը, որ հարուստ է հանքային բուժիչ աղբյուրներով, որոնք հայտնի են ամբողջ աշխարհում: Պրահան և ընդհանրապես Չեխիան գտնվելով Եվրոպայի կենտրոնական հատվածում և ունենալով զարգացած ենթակառուցվածքներ հնարավորության են ընձեռում այցելել հարևան երկրներ: